【耳針&耳洞專題】耳針分類！穿耳體驗！耳洞迷思? - 26/07/2020更新
你穿左耳洞未呀～定係仲猶豫穿唔穿呢！仲係度考慮緊既你，可以睇下下面既文章！幫你梳理下思緒啦！
【耳針&耳洞專題】耳針分類！
1)鋼針
鋼針可以話係日本耳環＆韓國耳環中最普遍既用料～鋼針有一定既硬度，所以要戴落耳洞度比較簡單
2)銀針
如果要搵日本耳環，有時都會搵到銀針製的～通常都係驚敏感既朋友會想搵銀針。有Ｄ係９２５純銀，有Ｄ係鍍銀，睇起黎差唔多，但睇清楚Ｄ就好明顯架喇。
3)膠針
膠針都係另一款敏感朋友會搵既材質，膠質當然比鋼針銀針軟，所以訓覺唔記得除都唔會太un住耳仔架！
同埋膠針會有其他顏色選擇，成對耳環顏色更統一啦！
【耳針&耳洞專題】穿耳體驗！ 穿耳痛嗎?耳洞究竟係點穿?
店主既耳洞都穿得比較遲 ~ 之前都係戴耳夾生活 ~ ~
第1個耳洞係5年前 ~ ~20幾歲時先穿架 ~
之前一路都係戴耳夾 ~只係覺得無乜款可以選 ~都無乜問題丫
直到有日睇到耳針款實在靚太多了！！！所以下定決心去穿耳洞 ~😎
穿耳係我響屋企附近商場小店穿 ~穿既時候呀姨仲我選一對耳環 ~
原來就係直接把耳環打係耳洞上 ~然後我就被打洞了
記得第1句講既野係: "邊個講穿耳唔痛！！TMD.."
然後就要戴住耳環好幾個月 ~ 要耳洞成形先可以換自己鐘意既 ~
touchwood我個耳洞都算好打理，除左我岩岩穿果排會有D痛+怪味..
而家我都可以任選耳環戴喇 ~ 之後見到朋友穿左兩個耳洞，戴兩粒耳環好好睇呀！
咁岩見到mabelle有免費穿耳 ~就下決心去穿啦 ~😎😎
同朋友分享講開呢件事，原來佢都係mabelle 預約左穿耳 ~所以我地一齊去穿 ~
原本以為兩邊再穿一個都okay， 但我左耳原來生了肉芽😨😨😨
即係耳朵皮層下有野突起，姐姐講可能係之前既清潔不夠令細菌滋生😨😨😨
omg！ 實在太驚訝....所以唯有淨係右耳多穿一個洞 ~
今次穿耳可能已經有經驗 ~所以真係不覺得痛
只係穿耳後feel到紅紅熱熱既 ~努力清潔後都無咩問題 ~ ~要耐心等待3個月♥
還有一樣好抵讚既係mabelle 有跟進既清潔服務 ~會幫你消毒+睇睇耳洞情況啊！
分享完畢，如有問題 ~ ~煩惱唔知好唔好穿耳既可以搵我 ;)
大家互相交流一下啦！